Ola, navegantes! Como xa vos contaba o luns, nesta semana imos seguir a celebrar as nosas Letras e o noso patrimonio con vídeos tan chulos coma este de José Manuel López Cabana, no que nos propoñen un divertido xogo de preguntas sobre Carvalho Calero.
Que tal, acertáchedes moitas das preguntas? Tamén vos quero mostrar este marabilloso libro online "Os instrumentos da música tradicional galega" do autor Pablo Carpintero Arias, publicado na web do Consello da Cultura Galega. Hoxe vos mostrarei un instrumento de percusión, o albuche de cana. Facendo click aquí abaixo podedes aprender máis cousas sobre él...
No vídeo que vos aparece escoitaredes como soa. Para construilo, só temos que furar os tubos que o forman e pasar unha corda por eles, tamén precisaremos un pau que nos sirva para rascar e percutir no instrumento. Por certo, que a min ocórreseme que se non temos canas tamén se poderían usar outros materiais, incluso materiais de refugallo como tubos de plástico, ou mesmo lápices!
Se queredes, contádeme que tal vos foi no preguntoiro, ou se vos animastedes a construir o albuche, coma sempre ao correo:
colexioflavia3@gmail.com
Chaooo, ata outro ratiño!
Acertei poucas pero gustoume moito.
ResponderEliminarAlégrome de que che guste! Unha aperta
ResponderEliminar